الموسوعة العربية

ابحث عن أي موضوع يهمك

قصيدة ‘بواب البال’

بواسطة:
mosoah

دقي بواب البال لا تخافي
هونيك مطرح ما الذهن صافي
هونيك عا دغوش المدى حكاية
بتقولها الكلمات عا شفافي
وبالبال بتلاقي العشق آية
والحب نهدة طفل بلفافة
والشعر شردة ما الا غاية
وعا دفاتر الإلهام القوافي
متل الصبية الواقفة مراية
وعا جسمها لتياب شفّافة
دقي بواب البال يا رواية
حكيتا لقلبي الـ بالعشق وافي
وقلو لقلبي هالولف جايي
تا يضل عا سرير الوله غافي
كافي يا روحي غنج وغواية
وكافي تذلي هالقلب كافي
كوني لروحي طب ورعاية
وكوني الوفا والحب والتحنان
وكرمال سر الحب لا تجافي

الشاعر: قاسم هاشم