الموسوعة العربية

ابحث عن أي موضوع يهمك

كلمات راب عربي هادف

بواسطة: نشر في: 13 ديسمبر، 2019
mosoah
كلمات راب

في المقال التالي نعرض لكم كلمات راب جديدة ومميزة، فالراب هو أحد أنواع الموسيقى الغنائية، وبدأ بتأليف هذا النوع الأمريكان من الأفارقة، فكانوا يألفون الأغاني التي تتناول المصاعب التي يواجهونها في الحياة، وإلقاء تلك الأغاني بطريقة سريعة، ومن ثم انتشر الراب في كافة أنحاء العالم، ومع بداية حقبة التسعينات، بدأ في الدخول إلى المجتمع العربي، فظهر الكثير من المغنيين والفرق العربية التي استخدمت هذا النوع من الغناء، واستخدام الآلات الموسيقية الشرقية في عزف ألحان تلك الأغاني، كما ظهر الكثير من المطربين العرب الذين ألفوا وغنوا بكلمات هادفة وجميلة، وسنعرض لكم في فقرات موسوعة التالية كلمات أغنية راب جميلة ومؤثرة.

كلمات راب عربي هادف

يعد المطرب المصري أحمد مكي من أشهر العرب الذين استخدموا فن الراب في أداء أغانيهم، حيث قام مكي بتقديم الكثير من الأغاني الهادفة مثل أغنية “وقفة ناصية زمان” التي تعبر عن المبادئ الأخلاقية الجميلة، كما قام بإطلاق الأليوم الخاص به “أصله عربي”، في عام 2011مـ، وسنعرض لكم في الفقرة التالية كلمات أغنية أغلى من الياقوت الذي أهداها مكي لابنه.

كلمات أغنية أغلى من الياقوت أحمد مكي

يوم ميلادك يوم ما للدنيا انت جيت أول علاقتي بيك صوتك ما بيني و بينك حيط

سمعت صوتك استغربت اتلخبطت إتشديت قلبي أتنفض ما بين ضلوعي و م الفرحة بكيت

أول ما شفتك الدنيا لفت بيا، ربى حبني و وهب ليا من عنده هدية

سرحت فيك ساعات فيك منى كتير حاجات، يا رب تاخد مني بس الحلو في الصفات

وفي وسط زحمة فرحتي فجأة هجم سكات مخلوط صور أبيض في أسود من إلى عشته و من إلى فات

يمكن عشان الضلمة في طفولتي كانت أكتر من نور، عيل صغير قال بسم الله وقام يعدي في بجور

مش شايف شط أو ميناء لآخر البصر مافيش أمل كان نفسي فى حد يعلمني و ينصحني و يبقالي المثل

ربك حماني و تولاني برحمته مفيش جدل بعد ما كل سكة إتسدت و اسودت و الباب قفل

يا رب يا كريم اهديني وقويني و وفقني لسكة تربيته على الشيء السليم

عارف إني مش مثالي بس طمعان في كرمك تخلى حاله أحسن من حالي

وأنا أوعدك يا رب هحاول أبقى أحسن أب و أديه إلى ما شفته في نهر طفولتي إلى نضب

كل يوم بيعدى و أشوفك فيه بتكبر بتفاجىء إن صفاتي بتظهر فيك أكتر وأكتر

ابتسامتي وضحكتي والمشي وحتى تكشيرتي حتى نومتك رجل فوق رجل دى نسخة من نومتي

قبل وجودك الدنيا ماكنتش فارقة معايا، قلبى ده كان خلاص قلب حجر دى مش كناية

جلدي تخن من قسوة الدنيا ومُر الحكاية بقيت زعلان على الشخص إلى شايفه فى المراية

لحد ما انت جيت غيرتني و كنت الهداية، فتحت بإيدك كل أبواب الرحمة جوايا

لما بحضنك و أحس دقة قلبي جنب قلبك مية فى المية ما حبتش في الدنيا قبلك

لما بحضر أول مرة ليك في أي حاجة قلبي بيرفرف وأحس بألف حاجة وحاجة

إحساس غريب جزأ مني اتحول إنسان بيزعل وبيفرح وبيزرع جوايا الحنان خايف عليك من الدنيا يا ابني مالهاش أمان

وبدعي ربنا يحميك ويصونك هو الرحمن كتبت رسالة ليك عشان لو قدري وقته حان ومش مكتوب ليا أكون جنبك لآخر الامتحان

عاوزك تكون صاحب عزيمة فولاذ حديد مهما الدنيا تحبطك صمم خليك عنيد خليك واثق فى نفسك عن حلمك إياك تحيد

مهما اسود الليل وطال هيطلع فجر جديد، عاوزك لربك شاكر وجهد الناس تقدر وأوعى تظلم مهما كنت قادر ربك أقدر

لما اللسان يتقل والكلام يصبح بطيء وأعيد نفس الكلام أكتر من مرة، أرجوك تطيق يا ما طلبت منى أعيد حكى الحدوتة كتير

وفى كل مرة أعيدلك قلبي كان بيطير، لما تلاقيني قدمت ومش مواكب عقل جيلك ما تركنيش لجهلي علمني من غير ما أجيلك

خليك عنيا نورلي طريقي لمنتهاه وافتكر إني من علمك معنى الحياة

كلمتين هقولهم انت عندي أغلى من الياقوت، كنت معاك يوم ولادتك عايزك جنبي يوم ما أموت.